विश्वकै चर्चित फ्रेन्चाइज क्रिकेट लिग इन्डियन प्रिमियर लिग (आईपीएल) को १८औं संस्करण आजदेखि भारतमा सुरु हुँदैछ। नेपाली समयअनुसार साँझ ७:४५ बजे कोलकातास्थित इडेन गार्डेन्समा उद्घाटन खेल हुनेछ, जसमा साविक विजेता कोलकाता नाइट राइडर्सले रोयल च्यालेन्जर्स बेंगलुरुसँग प्रतिस्पर्धा गर्नेछ।
उद्घाटन खेलअघि अभिनेत्री दिशा पटनी र गायिका श्रेया घोसाललगायत कलाकारहरूको प्रस्तुति रहनेछ। गत सिजनको विजेता कोलकाताले उपाधि रक्षा गर्ने लक्ष्य राखेको छ भने बेंगलुरु पहिलो उपाधि जित्ने प्रयासमा हुनेछ। आईपीएलको इतिहासमा मुम्बई इन्डियन्स र चेन्नई सुपर किङ्स सर्वाधिक ५ उपाधिसहित सबैभन्दा सफल टोली रहेका छन्।
