इन्डियन प्रिमियर लिग (आईपीएल) अन्तर्गत मंगलबार राति भएको खेलमा पन्जाब किङ्सले चेन्नई सुपर किंग्सलाई १८ रनले पराजित गरेको छ। २२० रनको लक्ष्य पछ्याएको चेन्नई ५ विकेट गुमाउँदै २०१ रनमै रोकिएको हो।
पन्जाबको जितमा प्रियांश आर्यले विस्फोटक शतक प्रहार गरे। उनले ३९ बलमा ९ छक्का र ७ चौकासहित १०३ रन बनाए। उनी आईपीएल इतिहासमा ३९ बलमा शतक बनाउने चौथो तीव्र गतिका खेलाडी बने। यसअघि युसुफ पठान (३७ बल), मिलर (३८) र गेल (३९) बलमा शतक बनाइसकेका छन्।
आर्यलाई चेन्नईले दुईपटक जीवनदान दिएको थियो। उनी आउट हुँदा पन्जाबले ६ विकेट गुमाएर २१९ रन बनाएको थियो। शशाङ्क सिंहले ५२ रन र मार्को जेन्सनले ३४ रनको योगदान दिए।
चेन्नईका लागि रचिन रविन्द्रले ३६, कोन्वेले ६९ (रिटायर्ड हर्ट), दुवेले ३२ र धोनीले २७ रन बनाए।
यो जितसँगै पन्जाब ४ खेलमा ३ जितसहित तालिकाको चौथो स्थानमा उक्लिएको छ भने चेन्नई ५ खेलमा लगातार चौथो हारसँगै नवौँ स्थानमा झरेको छ।
