सुदूरपश्चिम प्रदेशका मुख्यमन्त्री कमलबहादुर शाहको नेतृत्वमा भारत भ्रमणमा गएको टोलीलाई दिल्लीमा स्वागत गरिएको छ ।
इन्दिरा गान्धी अन्तर्राष्ट्रिय विमानस्थल दिल्लीमा भारतका लागि नेपाली राजदुत डा. शंकर शर्मा, भारत सरकारको तर्फबाट नेपाल हेर्ने डेपुटी सेक्रेटरी साकेता, नेपाल र भुटान नर्थ डेस्क हेर्ने एडिसनल सेक्रेटरी मुनु महाबर र काउन्सुलर नविन अधिकारीले स्वागत गर्नु भएको हो ।
भारत सरकारको निमन्त्रणामा मंगलबार मुख्यमन्त्री शाहको नेतृत्वमा १० सदस्यीय भ्रमण टोली त्रिभुवन अन्तराष्ट्रिय विमानस्थल काठमाण्डौबाट एक साताका लागि भारत भ्रमणमा गएको हो ।
नेपाल संघीय गणतान्त्रिक मुलुक भएपश्चात दुबै देशको तर्फबाट मुख्यमन्त्री स्तरिय औपचारिक विदेश भ्रमण पहिलो पटक हुन गइरहेको छ। बैशाख १६ गतेदेखि २२ गतेसम्मको भ्रमणको समय तालिका रहको छ।
