जेनजी आन्दोलनका घाइतेहरूले प्रधानमन्त्री सुशीला कार्कीसँग पाँच बुँदे माग राखेका छन्। बालुवाटार पुगेर उनीहरूले आन्दोलनमा गोली प्रहार गर्नेलाई कारबाही, संविधान संशोधन, आन्दोलनको संरक्षण, भ्रष्टाचार छानबिन र दीर्घकालीन समाधानका विषयमा माग गरेका हुन्।
आन्दोलनका प्रतिनिधि रुपिन खड्काका अनुसार माग पूरा गर्न सरकारले तत्काल कदम चाल्नुपर्ने चेतावनी दिएका छन्। प्रधानमन्त्री कार्कीले सरकार जेनजी आन्दोलनको मर्मभन्दा बाहिर नजाने र कानुनी प्रक्रियाअनुसार काम गर्ने प्रतिबद्धता जनाइन्।
उनले तोकिएको समयमै निर्वाचन हुने र भ्रष्टाचारविरुद्धका छानबिन तीव्र गतिमा अघि बढिरहेको बताइन्। “हामीलाई दिइएको म्यान्डेटअनुसार काम गर्छौं, तपाईंहरू बोल्न नछाड्नुहोस्, दबाब दिन पनि नछाड्नुहोस्,” प्रधानमन्त्री कार्कीले भनिन्। उनले निकट भविष्यमा नतिजा देखिने दाबी पनि गरिन्।
