डोटीको जोरायल गाउँपालिकामा युवाहरुका लागि पाँच दिने आधारभूत उद्घोषण तालिम सम्पन्न भएको छ । जोरायल गाउँपालिकाको आयोजनामा गभरनेन्स मिडिया रिसर्च एण्ड टे«निङ्ग ग्रुप -प्रा.लि.) डोटीको सहजिकरणमा तालिम सम्पन्न भएको हो ।
तालिमको समापन कार्यक्रममा बोल्दै जोरायल गाउँपालिकाका अध्यक्ष दुर्गादत्त ओझाले विभिन्न औपचारिक तथा अनौपचारिक कार्यक्रममा उद्घोषण गर्न गाउँपालिका स्तरमै जनशक्ति उत्पादन गर्ने उद्धेश्यले तालिमको आयोजना गरिएको बताए । भौतिक विकासका काम सङ्गै क्षमता विकास पनि अपरिहार्य भएकाले गाउँपालिकाले विभिन्न खालका क्षमता अभिवृद्धि गर्ने कार्यक्रमहरु पनि बेला बेलामा सञ्चालन गर्दै आएको बताए ।
त्यस्तै जोरायल गाउँपालिका उपाध्यक्ष जमुना कुमारी बोहराले आधारभूत तालिममा सहभागिहरुले सिकेका कुराहरुलाई व्यवहारमा ल्याउनुपर्नेमा जोड दिइन् ।
जोरायलका ६ वटै वडाबाट ४ जनाका दरले तालिममा २४ जना सहभागि रहेका थिए ।
तालिममा उद्घोषक, उद्घोषकको परिभाषा र अर्थ, उद्घोषणका शैली, प्रकार, कार्यक्रम तालिका -स्क्रिप्ट लेखन) तयारी, औपचारिक कार्यक्रमका चरणहरु, सफल उद्घोषकले जान्नैपर्ने कुराहरु, गर्नुपर्ने पूर्व तयारी र त्यसका फाइदाहरु, कार्यक्रमलाई आकर्षक बनाउने तरिका, उद्घोषकमा हुनुपर्ने गुणहरु, उद्घोषकले गर्न नहुने कामहरुबारे प्रशिक्षण दिईएको थियो ।
त्यस्तै सार्वजनिक कार्यक्रम र रेडियो कार्यक्रम उद्घोषण, उद्घोषकले प्रयोग गर्ने भाषा, माइक्रोफोनमा उद्घोषण, राष्ट्रिय मर्यादाक्रमबारे जानकारी लगाएत विषयमा आधारभूत जानकारी सहित प्रयोगात्मक अभ्यास सहित प्रशिक्षकहरु लोकेन्द्र ओझा, खगेन्द्र प्रसाद -केपी) कलौनी र झलक पालीले प्रशिक्षण दिएको प्रशिक्षार्थी चित्रा कुमारी खत्रीले बताईन् ।
तालिमको समापन कार्यक्रममा सहभागिमध्येबाट पुरुषतर्फ तपराज भट्ट र महिलातर्फबाट कोपिला नेपालीलाई प्रमाण पत्र र नगद सहित उत्कृष्ट सहभागिता पुरुस्कार प्रदान गरिएको थियो भने सबै सहभागिहरुलाई प्रमाणपत्र प्रदान गरिएको जोरायल गाउँपालिकाले जनाएको छ ।
