धनगढी: धनगढी- सुदूरपश्चिम प्रदेशमा शनिबार सार्वजनिक विदाको दिन पनि सरकारी गाडिहरू कुदाएको पाइएको छ। कैलालीका विभिन्न ठाउँबाट सार्वजनिक विदाका दिन सरकारी कार्यालयबाट अनुमति विना चलाइएका गाडीहरू क्रान्तिकारी कम्युनिस्ट पार्टी नेपालले नियन्त्रणमा लिएर ट्राफिक प्रहरी कार्यालय अत्तरियालाई बुझाएको छ। शनिबार गाडीहरू नियन्त्रणमा लिइएको क्रान्तिकारी कम्युनिस्ट पार्टीका नेता प्रकाश रावलले बताए। जिल्ला वन कैलाली, कञ्चनपुरको कृष्णपुर नगरपालिका, प्रदेश मन्त्रालय, बझाङ, चुरे गाउँपालिका लगायत ११ वडा सरकारकी निकायका जिप, कार र मोटरसाइकल नियन्त्रणमा लिएर प्रहरीकोमा बुझाइएको रावलले बताए। सरकारी सम्पत्तिको दुरपयोग हुन नदिन यस्तो अभियान सुरु गरिएको उनको भनाइ छ।
