संस्कृतमा आचार्य गरेका कृष्ण दमाईलाई धनगढी उपमहानगरकाे सम्मान

Image
Nisarga Hospital

धनगढी: संस्कृत साहित्यमा दलित समुदायबाट पहिलो पटक आचार्य उत्तीर्ण गरेका कृष्णबहादुर दमाईलाई धनगढीमा सम्मान गरिएको छ।
आज एक कार्यक्रमका बिच धनगढी उपमहानगरपालिकाले कञ्चनपुरको भीमदत्त नगरपालिका-३ का दमाईलाई सम्मान एवं बधाई ज्ञापन गरेकाे छ। दमाई नेपाल संस्कृत विश्वविद्यालय बेलझुन्डी दाङबाट संस्कृत साहित्यमा आचार्य उत्तीर्ण गरेका छन्।

CP Hospital Dhangadhi

सम्मान कार्यक्रममा धनगढी उपमहानगरपालिकाका नगरप्रमुख गाेपाल हमालले आचार्य दमाईलाई १ लाख ५१ हजार नगद सहित सम्मान पत्र प्रदान गरेका थिए । साे अवसरमा वाेल्दै नगरप्रमुख हमालले भने – मेराे पहिले देखिकाे अभियान नै समाजमा विभेद हटाउने हाे, यसै क्रममा कृष्ण दमाईले जुन बिध्या आर्जन गरेर अघि बढनु भएकाे छ याे समाजका लागि ठुलाे प्रेरणा हाे । नगरप्रमुख हमालले जातले काेही सानाे ठुलाे नहुने ज्ञान नै प्रमुख कुरा रहेकाे बताए ।

अझै जातिय छुवाछुत रहेकाे हाम्राे समाजलाई प्रेरणा दिन धनगढी उपमहानगरले आचार्य कृष्ण दमाईलाई पुरष्कृत सहित सम्मान गरेकाे नगरप्रमुख हमालले बताए ।

आचार्य दमाईले चाहेकाे वेला धनगढी उपमहानगरले याेग्यता अनुसारकाे जागिर दिने र उनलाई अभियान्ताका रुपमा समाज परिबर्तनमा सकृय गराउने नगरप्रमुख हमालले घाेषणा गरे । उपमहानगरकाे सभाहलमा आयाेजित सम्मान कार्यक्रममा विभिन्न बक्ताहरुले आचार्य दमाईले आर्जन गरेकाे शिक्षाले समाजलाई जातिय छुवाछुत हटाउन ठुलाे सहयाेग पुग्ने बताए ।