धनगढी ः बझाङ जयपृथ्वी नगरपालिका वडा नं १० मा रहेको लक्ष्मी लघुवित्त वित्तीय संस्था लिमिटेड चैनपुर शाखाले मृत्यु भएकी सदस्यको परिवारलाई बीमा वापतको रकम हस्तान्तरण गरेको छ । सोमबार संस्थाले जिल्लको थलारा गाउँपालिका–९ की मृतक सदस्य पञ्चमला देवी जोशीको छोरा भागिरथ जोशीलाई ६ लाख २५ हजार रकमको चेक हस्तान्तरण गरेको हो ।
चेक हस्तान्तरण कार्यक्रममा संस्थाको शाखा प्रबन्धक सुमन रानाले समाजमा लघुवित्त संस्थाका विषयमा गलत प्रचार भईरहेपनि वास्तवमा यस्ता संस्थाहरुले समुदाय स्तरमा धेरै सहुलियत पु¥याउँदै आएको बताए । कार्यक्रममा वित्तीय क्षेत्रको सुधार, वित्तीय अनुशासन, कर्जा सदुपयोग, बचतको महत्व तथा आवश्यकता, प्रविधिमैत्री पारदर्शी कारोबार, कर्जा बिमाको महत्व र बैंकिङ प्रणाली जस्ता विभिन्न वित्तीय ज्ञानहरुको बारेमा जानकारी गराईएको थियो ।
संस्थाको कर्मचारीले मृतक परिवारको घरसम्म पुगेर सहयोग रकम हस्तान्तरण गरेकोमा संस्थाप्रति थलार गाउँपालिका वडा नं ९ का वडा सचिब ज्ञानबहादुर बिष्टले धन्यवाद दिएका थिए । वडा सचिव बिष्टले पहिले वित्तीय संस्था नहुँदा यस ठाउँमा रहेका ब्यक्तिहरुको आर्थिक अवस्थाका नाजुक रहेको थियो तर, अहिले भने लघुवित्त संस्थाको लघुकर्जा पाई वित्तीय कारोबार गर्न सिकाई आत्म निर्भर बनाउनुको साथै दैनिक जीवन स्तर उकासेको बताए । उनले आबद्ध सदस्यहरुलाई लिएको कर्जा रकमको सही सदुपयोग गर्न उत्प्रेरित गरे । सो संस्थाको चैनपुर शाखामा आवद्ध ९ जना ऋणी सदस्यको मृत्यु भएको र ५६ लाख ७५ हजार रकम भुक्तानी गरेको संस्थाका शाखा प्रबन्धक सुमन रानाले जानकारी दिए ।
