दलित विकास समिति जयपृथ्बी नगरपालिकाले जातीय भेदभाव तथा छुवाछुत उन्मूलन दिवस भव्यताका साथ सम्पन्न गरेको छ । दिवसको अवसर पारी दलित विकास समिति जयपृथ्बी नगरपालिकाले जातीय छुवाछुत विरुद्ध सडक नाटक प्रदर्शन गर्नुका साथै विभिन्न नारा सहित चैनपुर बजार परिक्रमा गरेको थियो ।
कार्यक्रममा बोल्नेे बक्ताहरूले छुवाछुत मुक्त राष्ट्र घोषणा गरेको १८ वर्ष बिति सक्दा पनि सदुरपश्चिमा मा भने अझै व्यवहार कार्यान्वयन नभएको भन्दै सरोकारवालाले चिन्ता व्यक्त गरेका छन् ।
कार्यक्रममा मन्तव्य राख्दैे जयपृथ्बी नगरपालिका नगर प्रमुख तथा कार्यक्रमका प्रमुख अतिथि चेतराज बजालले आफू सधैँ जातीय भेदभाव गर्नुदैन भन्ने पक्षमा रहेको र आफूले सोही अनुसार काम गदै जादा नगरपालिकामा दलित समुदायको हम हितको निमित्त दलित विकास समिति गठन गरेको बताउनुभयो । पहिलेको तुलनामा भेदभाव कम भएको बताउदै अझै यसलाइ न्यूनीकरण गर्न समय लाग्ने बताउनुभयो ।
कार्यक्रममा बोल्दै दलित विकास समितिका अध्यक्ष तथा कार्यक्रमका सभाध्यक्ष गोविन्द नेपालीले नेपालको संविधानले सबै जातजाति, भाषाभाषी, वर्ग र समुदायको हक अधिकार सुनिश्चित गर्दै समानुपातिक समावेशी र सहभागिता मूलक सिद्धान्तका आधारमा समता मूलक समाजको निर्माण गर्ने सङ्कल्प गरेको भएपनि अझै कार्यान्वयनमा आउन नसकेको बताउनुभयो ।
आफूले गैरदलित देखि सबैलाइ आमन्त्रण गरेको भएपनि गैरदलितको सहभागीता न्यून भएको भन्दैे दुख समेत व्यक्त गर्नुभयो । साथै दलित समुदायका व्यक्तिलाइ सरकारले दिएको आफ्नो हक अधिकार नहिचकिचाइ लग्न पनि अनुरोध गर्नुभयो ।
कार्यक्रममा दलित सहयोग समितिका कार्यकारी निर्देशक सुनील नेपाली , परियार सेवा समाजका उपाध्यक्ष मोहन नेपाली, मुक्ति समाज केन्द्रीय निर्वाचन कमिटी सदस्य नन्द लाल नेपाली लगाएतको जन सहभागीता रहेको थियो ।
सरकारले २०६३ साल जेठ २१ गते नेपाललाई ‘जातीय छुवाछुत मुक्त राष्ट्र’ घोषणा गरेको ऐतिहासिक दिनको सम्झनामा हरेक वर्ष आजको दिनलाई राष्ट्रिय दिवसका रूपमा मनाउन थालिएको हो । यो दिवस २०६८ सालदेखि मनाउन थालिएको हो ।
