धनगढी ः “दिगो विकास र सुनौलो भविष्यको सार : स्थानीय युवाको सहभागिता समृद्धिका आधार” भन्ने मुल नाराका साथ आज बिश्वभरि २५ औं अन्तराष्ट्रिय युवा दिवस बिभिन्न कार्यक्रम गरि मनाइदैछ । यसै सन्दर्भमा घोडाघोडी नगरपालिका १० पहलवानपुरमा रहेको सहारा युवा क्लबले रक्तदान कार्यक्रमको आयोजना गरेको थियो ।
रक्तदान कार्यक्रममा सुदुरपश्चिम प्रदेशका सर्वाधिक सतक रक्तदाता रक्तदान सदभावना दुत दीपक उपाध्यायले ११० औं पटक रक्तदान गरेका छन । रक्तदान कार्यक्रममा उपाध्याय सहित ५१ जनाले रक्तदान गरेको क्लबका अध्यक्ष निर्मल कुमार मिश्रले जानकारी दिए । त्यसैगरि, अन्तराष्ट्रिय युवा दिवसकै अवसर पारेर नेपाली युवा उधमी मंच धनगढी च्यापटरले समेत रक्तदान कार्यक्रमको आयोजना गरेको थियो । रक्तदान कार्यक्रममा १५ जनाले रक्तदान गरेको मंचका अध्यक्ष अच्युत दहालले बताए । सर्वाधिक रक्तदाता उपाध्याय सम्मानित आफु स्वयम ११० औं पटक रक्तदान गरि रक्तदानको क्षेत्रमा उल्लेखनिय सकारात्मक भुमिका निर्वाह गरेको भन्दै सहारा क्लब पहलवानपुरले उपाध्यायलाई सम्मान गरेको छ ।
उपाध्यायलाई घोडाघोडी नगरपालिकाका मेयर खडक बहादुर रावत र क्लबका अध्यक्ष निर्मल मिश्रले प्रशंसापत्र सहित सम्मान गरेका छन । यसैगरि, नेपाली युवा उधमी मंच धनगढीले समेत उपाध्यायलाई सम्मान गरेको छ । मंचका अध्यक्ष दहाल र संस्थापक अध्यक्ष पुष्कर ओझाले रक्तदानको क्षेत्रमा अहोरात्र खटी स्वयम सयौं पटक रक्तदान गरि रगतको अभावमा रहेका हज्जारौको जीवन बचाउन खेलेको भुमिकाको प्रशंसा गर्दै उपाध्यायलाई दोहल्ला प्रशंसापत्र र नगद सहित सम्मान गरेको मंचका प्रथम उपाध्यक्ष आशिष शाहले बताए ।
सन १९९८ मा, पोर्चुगल सरकारले संयुक्त राष्ट्र संघको सहयोगमा आयोजना गरेको युवाका लागि जिम्मेवार मन्त्रीहरूको विश्व सम्मेलनको पहिलो सत्रले १२ अगस्टलाई अन्तर्राष्ट्रिय युवा दिवसको रूपमा घोषणा गर्ने प्रस्ताव पारित गरेको थियो । त्यो सिफारिसलाई पछि महासभाको चौपन्नौं सत्रले “युवाहरू संलग्न नीतिहरू र कार्यक्रमहरू” शीर्षकको प्रस्ताव सन १९९९ मा अनुमोदन गरेको दिनदेखि प्रत्येक बर्षको १२ अगस्टका दिन अन्तर्राष्ट्रिय युवा दिवस मनाइदै आएको छ ।
