गोदावरी नगरपालिका–१ स्थित बिजौरामा शनिबार आँखा शिविर सम्पन्न भएको छ।
बडेहाँ बिजौरा खानेपानी तथा सरसफाइ उपभोक्ता समिति र भागेश्वर आधारभूत विद्यालयको संयोजनमा नेपाल नेत्र ज्योति संघ गेटा आँखा अस्पतालको सहयोग तथा मैतेरी साइनो युवा क्लबको सहआयोजनामा शिविर सञ्चालन गरिएको हो।
शिविरमा ५९२ जना महिला र २६८ जना पुरुष गरी कुल ८६० जनाले सेवा लिएको उपभोक्ता समितिका अध्यक्ष चेतराज पन्तले जानकारी दिए।
शिविरमा ६० जनामा मोतिबिन्दुको समस्या देखिएको छ भने ३५० जनालाई चस्मा र ५०० जनालाई औषधि वितरण गरिएको छ।
