धनगढीः धनगढीमा जेनजी नेताहरुले नास्ता पसल सञ्चालनमा ल्याएका छन् । लामो समय देखि जेनजीको नेतृत्व गर्दै आएका शंकर र जगत शाहीले संयुक्त लगानीमा राजधानी फास्टफूड नाम दिएर नास्ता पसल सञ्चालनमा ल्याएका हुन् । धनगढी उपमहागरपालिकाको व्यवसायीक भवनमा उनीहरुले हिन्दुहरुको महान चाड दशैँको पहिलो दिन घटस्थापनाको अवसर पारेर सोमबार देखि सञ्चालनमा ल्याएका छन् । युवा द्वय शाही सामाजिक तथा राजनीतिमा समेत सक्रिय छन्
अव युवाहरु विदेश होइन देशमा नै सानो लगानीमा उद्योमी बन्ने उदेश्यका साथ नास्ता पसल सञ्चालनमा ल्याएको जेनजी शंकर शाहीले बताए । ‘युवा शक्ति देशका सम्पति हुन’, उनले भने, ‘अर्कोको देशमा गएर युवाले श्रम गर्ने जुन लहर चलेको छ । त्यसलाई रोक्नका लागि केहि ने केहि गरेर देखाउने समय आएको छ ।’ राज्यले पनि लगानी गर्ने वातावरण बनाउनुपर्ने उनको भनाई रहेको छ ।
सुरुवातमा ८ लाख रुपैयाँ लगानी लगाएको उनको भनाई रहेको छ । नास्ता पसलमा तीन जनाले प्रत्यक्ष रोजगार समेत पाएको उनले बताएका छन् । वेरोजगारीलाई रोजगार दिने उदेश्यसका साथ नास्ता पसल सञ्चादलनमा ल्याएको जेनजी जगतले बताएका छन् ।
