शिक्षक तथा सर्जक जय खाती (जे. के. सर) द्वारा सिर्जना गरिएको राष्ट्रभक्ति गीत “सम्झु त मन रुनी” शुक्रबार साँझ New Kaphali Music Pvt. Ltd को युट्युब च्यानलमार्फत सार्वजनिक भएको छ। गायक पदम कार्की र गायिका गौरी भट्ट को स्वरमा तयार भएको यस गीतको लय पनि पदम कार्कीले नै सिर्जना गरेका हुन्।
गीतले देशका युवामा बेरोजगारी, चरम भ्रस्टाचार, ऋणका भार, जेन्जी आन्दोलनका सहिद र उनीहरूको मागको अवमुल्यन, अनि दलहरूको असंवेदनशीलताले युवा पलायन हुन बाध्य हुनु पर्ने पीडा जस्ता भावहरू समेटेको छ। सर्जक जय खातीले गीत सिर्जना गर्दा देशको वर्तमान अवस्था देखेर दुःख र निरास अनुभूति भएको र यही कारण गीतमार्फत युवाको आवाज उठाउन चाहेको बताउनुभयो।
भिडियोमा बीर बोहरा, मनिशा रावल र सिर्जना बोर्डिङ स्कुलका विद्यार्थी लगायत सम्पूर्ण शिक्षकहरूको उत्कृष्ट अभिनय देख्न सकिन्छ। भिडियो सम्पादन गणेश साउँद, निर्देशन रमेश बिजुली बी. सी., छ्याङ्कन प्रकाश विश्वकर्मा, र एरेन्ज भुमीराज थापा द्वारा गरिएको छ। गीतको अडियो परिवर्तन डिजिटल रेकर्डिङ स्टुडियो बाट तयार गरिएको हो।
गायक पदम कार्कीले गीत गाउन पाउँदा अत्यन्त खुशी भएको र यसलाई सबै युवाको आवाज मान्ने बताए। सबैले युट्युबमा गएर गीत हेरेर टिकटक वा रील बनाउन र कलाकार तथा टिमलाई हौसला दिन प्रोत्साहन गरिएको छ।
यस गीतले केवल मनोरञ्जन मात्र नभई युवाको पीडा, आशा र राष्ट्रप्रेमको कथा प्रस्तुत गरेको छ, जसले दर्शकलाई भावनात्मक रूपमा छोइने विश्वास गरिएको छ।
