इरानका बन्दरगाहहरूमा नाकाबन्दी लगाउने अमेरिकी राष्ट्रपति डोनाल्ड ट्रम्प को योजनामा नेटो आबद्ध प्रमुख राष्ट्रहरूले समर्थन नगर्ने घोषणा गरेका छन्। बेलायत, फ्रान्ससहितका देशहरूले इरानसँगको युद्धमा प्रत्यक्ष सहभागी नहुने स्पष्ट अडान लिएपछि पश्चिमी सैन्य गठबन्धनभित्र मतभेद गहिरिएको छ।
इरानसँगको ६ हप्ते द्वन्द्वपछि असफल वार्ताका बीच ट्रम्पले सोमबारदेखि नाकाबन्दी सुरु भएको घोषणा गर्दै इरानी जहाजलाई रोक्न वा ध्वस्त पार्ने चेतावनी दिएका छन्। तर युरोपेली मुलुकहरूले केवल युद्ध समाप्त भएपछि मात्र सुरक्षित जलयात्रा सुनिश्चित गर्न सकिने बताएका छन्।
केयर स्टार्मर ले युद्धमा नजाने स्पष्ट पारेका छन् भने इमानुएल म्याक्रोन ले छुट्टै बहुराष्ट्रिय सुरक्षा मिसनको प्रस्ताव अघि सारेका छन्।
यस विवादले नेटोभित्र तनाव बढाउँदै ट्रम्पले अमेरिकी सेना फिर्ता गर्ने र गठबन्धन छोड्ने चेतावनी समेत दिएका छन्। टर्कीले भने कूटनीतिक समाधानमा जोड दिएको छ।
