हर्मुज जलडमरूम शनिबार पुनः बन्द गरिँदा अन्तर्राष्ट्रिय समुद्री ढुवानीमा ठूलो असर परेको छ। इरानले अमेरिकासँगको तनावपछि नाकाबन्दी कडा बनाउँदै जहाज आवतजावत रोकेको हो। जहाज ट्र्याकिङ प्लेटफर्म MarineTrafficका अनुसार हाल मार्ग सुनसान जस्तै बनेको छ भने धेरै जहाज ओमान र संयुक्त अरब इमिरेट्सको तटमा रोकिएका छन्।
केही जहाजमाथि आक्रमण तथा गोलीबारी भएको रिपोर्टसँगै जोखिम झन् बढेको छ। इरानी रिभोलुसनरी गार्ड्सले दुई भारतीय जहाजलाई लक्षित गरी गोली चलाएको घटनाले स्थिति थप जटिल बनेको छ।
विश्वको करिब २०% तेल–ग्यास आपूर्ति हुने यस मार्ग बन्द हुँदा ऊर्जा बजारमा असर परिरहेको छ। विभिन्न देशहरूले ऊर्जा संकट नियन्त्रणका लागि आपूर्ति व्यवस्थापन र खपत नियन्त्रणका उपाय लागू गर्न थालेका छन्।
