नेकपा एमालेका पूर्वउपाध्यक्ष भीम रावललाई पार्टीबाट निष्कासन गरेपछि सुदूरपश्चिममा व्यापक असन्तोष देखिएको छ। बुधबार बसेको सचिवालय बैठकले रावललाई संगठित सदस्यसमेत नरहने गरी निष्कासन गरेपछि उनका समर्थक र विभिन्न दलका नेताहरूले पार्टीको यो निर्णयको कडा आलोचना गरेका छन्।
सुदूरपश्चिम प्रदेशका नेताहरूले यो कदमलाई सुदूरपश्चिमकै अपमान र पार्टीभित्रको लोकतान्त्रिक मूल्यको ह्रासका रूपमा व्याख्या गरेका छन्।
झपट रावल: “पार्टीले लोकतन्त्र कमजोर बनाउने निर्णय गर्यो। निर्णय तत्काल सच्याउनुपर्छ।”
कृष्णराज सुवेदी: “यो कारबाही ओलीको तानाशाही सोचको उपज हो।”
प्रकाशबहादुर शाह: “पार्टी एकता खल्बलिने निर्णय भयो।”
भीम रावलले सामाजिक सञ्जालमार्फत् यो निर्णयविरुद्ध उत्रिन आफ्ना समर्थकलाई अपिल गर्दै आफूविरुद्धको कारबाहीलाई “अन्यायपूर्ण र तानाशाही” भनेका छन्।
यो घटनाले नेकपा एमालेभित्र थप विवाद चुलिने संकेत दिएको छ।
