कैलालीको गोदावरी नगरपालिका–२ मा रहेको सत्यवती एकेडेमीले विज्ञान संकायमा अध्ययन गर्न इच्छुक विद्यार्थीहरूका लागि एक महिनाको निःशुल्क पूर्वतयारी कक्षा सञ्चालन गर्ने घोषणा गरेको छ। कक्षा आगामी जेठ २६ गते (सोमबार) बाट सुरु हुने विद्यालयले जनाएको छ।
विद्यालयका अनुसार, एसईई परीक्षा दिएर नतिजाको प्रतीक्षामा रहेका विद्यार्थीहरूलाई लक्षित गरी पूर्वतयारी कक्षा सञ्चालन गर्न लागिएको हो।
मुख्य विषयमा गहिरो तयारी, प्रयोगात्मक अभ्याससहित
पूर्वतयारी कक्षामा Physics, Chemistry, Biology, Computer र Mathematics जस्ता मुख्य विषयहरू बिहान ७:०० देखि ८:३० बजेसम्म अध्यापन गरिनेछ। त्यसपछि ८:३० देखि ९:३० बजेसम्म प्रयोगात्मक (Practical) कक्षाहरू सञ्चालन हुने जानकारी दिइएको छ।
विद्यार्थीहरूको मानसिक सन्तुलन र सृजनात्मक क्षमतालाई सुदृढ बनाउन विद्यालयले Futsal, Music, Cricket जस्ता अतिरिक्त क्रियाकलाप पनि समावेश गरेको छ, जुन बिहान ९:०० देखि ९:३० बजेसम्म सञ्चालन हुनेछ।
पूर्वतयारी कक्षा किन ? तीन ठोस कारण:
विज्ञान विषयको आधार तयार पार्ने: कक्षा ११ र १२ मा लामो समयदेखि अध्यापन गर्दै आएका अनुभवी शिक्षकहरूको विश्लेषण अनुसार, पूर्व तयारीले विद्यार्थीको सैद्धान्तिक तथा प्रयोगात्मक समझमा उल्लेखनीय सुधार ल्याउने देखिएको छ।
प्रयोगात्मक पहुँच अभावको पूर्ति: अधिकांश विद्यालयहरूमा कक्षा १० सम्म प्रयोगात्मक कक्षा नभएको अवस्थामा यो कक्षा प्रयोगात्मक अभ्यासका लागि उपयुक्त अवसर बन्नेछ।
कम्प्युटर र ऐच्छिक गणितमा पकड: विज्ञान अध्ययनका लागि अपरिहार्य तर धेरै विद्यालयमा उपेक्षित विषयहरू—Computer र Optional Mathematics—मा पूर्वतयारी कक्षाले सहजीकरण गर्नेछ।
छात्रवृत्तिको अवसर पनि
पूर्वतयारी कक्षाको अन्त्यमा परीक्षा लिइनेछ। उत्कृष्ट नतिजा ल्याउने विद्यार्थीहरूलाई सत्यवती एकेडेमीमा छात्रवृत्ति प्रदान गरिने विद्यालयले जनाएको छ। इच्छुक विद्यार्थीहरूलाई समयमा नै सम्पर्क गरी नाम दर्ता गर्न आग्रह गरिएको छ।
