शुक्रबारको दिनमा यस्ता क्रियाकलाप गर्नाले मनोकामना पुरा हुनुको साथै शुख,शान्ति र संबृद्धी प्राप्त हुने

हिन्दू धर्ममा शुक्रबारको दिनलाई धनकी देवी लक्ष्मीको पूजा गर्ने पवित्र दिन मानिन्छ। यो दिन शुभ वस्तुहरूको खरिदले घरमा सुख, शान्ति, र समृद्धि ल्याउने विश्वास गरिन्छ।

१. लक्ष्मी माता र गणेशको प्रतिमा वा सिक्का
शुक्रबार लक्ष्मी माता र गणेशको फोटो, मूर्ति वा सिक्का किनेर घरमा ल्याउँदा धनको अभाव हुँदैन। यस्तो वस्तु घरमा राख्दा सकारात्मक ऊर्जा प्रवेश गर्छ।

२. स्टिल, पित्तल, र चाँदीका भाँडाकुँडाहरू
यो दिन स्टिल, पित्तल वा चाँदीका भाँडाकुँडाहरू खरिद गर्दा ग्रहदशा हट्छ र घरमा सुख-समृद्धि कायम हुन्छ।

३. कौडा र घुम्ती चक्र
शुक्रबार ५ कौडा र ११ घुम्ती चक्र किनेर पहेँलो कपडामा बेरी, पैसा राख्ने ठाउँमा राख्दा व्यापार-व्यवसायमा वृद्धि हुन्छ।

४. कारोबार लेख्ने कापी
नयाँ कापी वा रजिस्टर शुक्रबार किनेर लक्ष्मी मातासँग प्रार्थना गर्नुहोस्। यसले व्यापार-व्यवसायमा लक्ष्मीको कृपा प्राप्त हुन्छ।

५. इलेक्ट्रोनिक सामान
शुक्रबार इलेक्ट्रोनिक उपकरण खरिद गर्न शुभ मानिन्छ। यसले आर्थिक समस्या समाधान गर्छ र सामग्री टिकाउ हुने विश्वास गरिन्छ।

शुक्र ग्रह र लक्ष्मी स्तुति
जसको कुन्डलीमा शुक्र ग्रह अशुभ छ, उनले शुक्र ग्रहलाई सुधार्न लक्ष्मी माताको स्तुति र पूजा गर्नुपर्छ। लक्ष्मी स्तुति यस प्रकार छ:

आदि लक्ष्मि नमस्तेऽस्तु परब्रह्म स्वरूपिणि।
यशो देहि धनं देहि सर्व कामांश्च देहि मे।।

सन्तान लक्ष्मि नमस्तेऽस्तु पुत्र(पौत्र) प्रदायिनि।
पुत्रां देहि धनं देहि सर्व कामांश्च देहि मे।।

विद्या लक्ष्मि नमस्तेऽस्तु ब्रह्म विद्या स्वरूपिणि।
विद्यां देहि कलां देहि सर्व कामांश्च देहि मे।।

शुक्रबार लक्ष्मीको पूजा र स्तुति गर्नाले धन, स्वास्थ्य, र सुख प्राप्त हुने विश्वास गरिन्छ।