धनगढी: डिभिजन वन कार्यालय धनगढीका सहायक वन अधिकृत पूर्ण शंकर यादवलाई अख्तियार दुरुपयोग अनुसन्धान आयोगको टोलीले घुससहित रंगेहात पक्राउ गरेको छ।
आयोगको महेन्द्रनगरस्थित क्षेत्रीय कार्यालयबाट खटिएको टोलीले यादवलाई सात लाख ३१ हजार रुपैयाँ घुससहित नियन्त्रणमा लिएको हो। उनलाई कार्यालय परिसरमै रहेको अवस्थामा अख्तियार टोलीले पक्राउ गरेको हो।
अख्तियार दुरुपयोग अनुसन्धान आयोगका अनुसार यादवले सो रकम सेवाग्राहीसँग माग गरेको सूचनाका आधारमा निगरानीपछि उनीलाई रंगेहात पक्राउ गरिएको हो।
हाल उनलाई आवश्यक अनुसन्धानका लागि आयोगको हिरासतमा राखिएको छ।
