अत्तरियाः सुदूरपश्चिमको मौलिक सांस्कृतिक पहिचान बोकेको नयाँ देउडा गीत ‘किन गरी घात’ सार्वजनिक भएको छ। डीआर चौतारी युट्युब च्यानलमार्फत गीतको म्युजिक भिडियो रिलिज गरिएको हो।
गीतमा सुदुरको चेलो म र लक्ष्मी नेपालीको सुमधुर स्वर सुन्न सकिन्छ भने गीतको शब्द धर्मराज भट्टराईले लेखेका हुन्। संगीत नरेन्द्रराज रेग्मीको रहेको छ। गीतको एरेन्ज, रेकर्डिङ र मिक्सिङ/मास्टरिङको जिम्मा कृष्ण बजुरेलीले लिएका छन्।
‘द म्युजिक इरा’ काठमाडौं स्टुडियोमा रेकर्ड गरिएको यो देउडा गीतमा सुदूरपश्चिमेली भावना, पीडा र समाजको यथार्थ झल्किन्छ। भिडियोतर्फ निर्देशन तथा कथा रमेश विजुली बीसीले गरेका छन् भने मुख्य कलाकारमा दिनेश नेपाली, मनिषा रावल र पद्म खड्का देखिएका छन्।
भिडियो छायांकन तथा ड्रोन सञ्चालन अमृत उपाध्यायले गरेका हुन् भने सम्पादन तथा रङ संयोजन शंकर साउद र गणेश साउदले गरेका छन्। मेकअप आर्टिष्ट मेनुका साउद रहेकी छन्।
‘किन गरी घात’ गीतको भिडियोमा सुदूरपश्चिमको ग्रामीण परिवेश, संस्कृति, प्रेम र सामाजिक यथार्थलाई कलात्मक ढंगले प्रस्तुत गरिएको छ। डीआर चौतारी युट्युब च्यानलमा रिलिज गरिएको यो गीतले छोटो समयमै स्रोता/दर्शकमाझ राम्रो प्रतिक्रिया बटुल्ने अपेक्षा गरिएको छ।
