कञ्चनपुर: कञ्चनपुरको शुक्लाफाँटा नगरपालिका–११, कलुवापुर नजिक यात्रुवाहक हाइस दुर्घटना हुँदा ९ जना घाइते भएका छन्।
सोमबार पूर्व–पश्चिम राजमार्गमा महेन्द्रनगरबाट धनगढीतर्फ जाँदै गरेको बागमती प्रदेश–०१०३२ च ३२४१ नम्बरको हाइस
विपरीत दिशाबाट आएको मोटरसाइकललाई जोगाउने प्रयास गर्दा अनियन्त्रित भई
सडक छेउमा पल्टिएको हो।
दुर्घटनापछि इलाका प्रहरी कार्यालय झलारीले अनुसन्धान थालेको छ।
घाइतेको उपचार झलारीमा
दुर्घटनामा घाइते भएका सबैको उपचार झलारीस्थित टी एन्ड सी अस्पतालमा भइरहेको प्रहरीले जनाएको छ।
घाइतेको नाम र अवस्थाबारे विस्तृत विवरण आउन बाँकी छ।
