सुदूरपश्चिम प्रदेशको चर्चित धार्मिक स्थल बाजुराको बडिमालिका मेला आजदेखि सुरु हुँदैछ। हरेक वर्ष भाद्र शुक्ल चतुर्दशी, अर्थात् जनैपूर्णिमाको अघिल्लो दिन, शक्तिपीठ बडिमालिकामा मुख्य पूजा आयोजना गर्ने परम्परा रहिआएको छ।
यस वर्षको पूजाका लागि बाजुरा, डोटी, जुम्ला र धनगढीबाट सरकारी टोली बडिमालिका पुगिसकेको छ। बाजुराका चार शक्तिपीठ—बडिमालिका, बूढीनन्दा, बडालेक र सुनन्दा—मा साउन पूर्णिमाको अघिल्लो दिन एकसाथ पूजा गर्ने परम्परा छ।
जनविश्वास अनुसार दर्शनका त्रिवेणीमा स्नान गरी बडिमालिका माताको दर्शन गर्नाले जीवनभरका पाप क्षालिन हुने, पितृ मोक्ष प्राप्त हुने र सबै मनोकांक्षा पूरा हुने मान्यता छ।
मेलामा सुदूरपश्चिम र कर्णाली प्रदेशसहित देशभरबाट हजारौं भक्तजन सहभागी हुने गर्छन्। यस वर्ष बडिमालिकामा नेपाली सेनाले प्राचीन कलाको नमूनामा नयाँ मन्दिर निर्माण गरेको छ, जसले धार्मिक पर्यटनलाई थप आकर्षक बनाउने अपेक्षा गरिएको छ।
