जेन–जी आन्दोलनको क्रममा कैलाली जिल्ला प्रशासन कार्यालय पूर्ण रूपमा क्षतिग्रस्त भएपछि सामान्य सेवा सञ्चालनमा बाधा परेको थियो।
यस समस्याको समाधानका लागि धनगढी चेम्बरको नेतृत्वमा कैलाली चेम्बर र प्रदेश चेम्बरका सदस्यहरूले संयुक्त रूपमा ५४ हजार बराबरको आवश्यक सामग्री प्रशासनलाई हस्तान्तरण गरेका छन्।
हस्तान्तरण गरिएको सामग्रीमा कम्प्युटर सेट एक थान, टेबल एक थान, कुर्सी एक थान, र कलर मल्टि–प्रिन्टर एक थान समावेश छ।
कैलाली जिल्ला अध्यक्ष प्रमोद अधिकारी र धनगढी नगर चेम्बरका अध्यक्ष प्रमोद थापाले प्रशासनलाई यी सामग्रीहरू हस्तान्तरण गरेका थिए।
सहयोगीहरूको पहलले प्रशासनको सेवा प्रवाहमा सहजता आएको छ र नागरिकता बनाउने लगायतका महत्त्वपूर्ण सेवाहरू पुनः सुरु भएका छन्।
