अत्तरिया : आगामी फागुन २१ गते हुने निर्वाचनको लागि डोटीबाट उम्मेदवारको नाम सिफारिस भएको छ। नेकपा एमाले उपमहासचिव लेखराज भट्टसहित ८ जनाको नाम जिल्ला कमिटीले सिफारिस गरेको हो।
एक निर्वाचन क्षेत्र रहेको डोटीबाट वर्तमान प्रदेश सांसद चक्र मल्लको नाम पनि सिफारिस भएको छ। मल्ल यसअघि प्रदेश सभा सदस्यका रूपमा निर्वाचित भइसकेका हुन् र अहिले प्रतिनिधि सभाको दौडमा छन्।
त्यसैगरी, भट्टको एकल नाम कैलाली–४ बाट पनि सिफारिस भइसकेको छ। यससँगै पार्टीले उम्मेदवार छनोट प्रक्रिया पूरा गर्दै निर्वाचन तयारीलाई गति दिएको छ।
