अत्तरियाः नेकपा एमाले जिल्ला सल्लाहकार सदस्य वीरेन्द्र धामीसहित केही नेता कार्यकर्ता एमाले परित्याग गरि नेपाली कांग्रेसमा प्रवेश गरेका छन् । मंगलबार चुरे गाउँपालिका-६, गजारमा आयोजित नेपाली कांग्रेसको चुनावी सभामा धामीसहित कमलेशसिंह महराले पार्टी प्रवेश गरेका हुन् ।
उनीहरुलाई नेपाली कांग्रेस क्षेत्र नम्बर ४ का प्रतिनिधिसभा सदस्यका उम्मेदवार गोरखबहादुर बिष्ट “आनन्द” ले टीका तथा खादा लगाएर पार्टीमा स्वागत गरेका थिए।
नेकपा एमालेमा रहँदा आफूहरु सधै अपहेलित भएको र नेताहरुले चुनावमा मात्र प्रयोग गर्ने गरेकाले एमाले त्यागेर कांग्रेसको समाजवाद नीति अवलम्बन गरेको उनीहरुले बताए ।
