हिन्दू धर्मावलम्बीहरूले शुक्रबारका दिन सन्तोषी माता, वैभवलक्ष्मी तथा अन्नपूर्णेश्वरी र दुर्गा भवानीको श्रद्धापूर्वक पूजा–आराधना गर्छन्।
धर्मशास्त्रअनुसार माता लक्ष्मीको व्रत बसी विधिपूर्वक पूजा गर्दा आर्थिक समृद्धि र पारिवारिक सुख प्राप्त हुने विश्वास छ। यस दिन व्रतालुले फलाहारमा चना र सख्खर ग्रहण गर्नुपर्छ भने अमिलो खानु वर्जित मानिन्छ। सेतो वस्त्र धारण गरी घरमा खीर पकाएर गरिबलाई बाँड्दा पुण्य प्राप्त हुने जनविश्वास छ।
शुक्रबार सन्तोषी माताको व्रत बस्दा मनोकामना पूरा हुने र सुख–शान्ति प्राप्त हुने बताइन्छ। साथै शुक्र ग्रह शान्तिका लागि सेता वस्त्र, चिनी, चन्दन, कपुर वा सम्बन्धित रत्न दान गर्नु लाभदायी मानिन्छ।
