Godawari Municipality–३ मालाखेती निवासी तथा Rastriya Swatantra Partyका युवा नेता महेश बलायरले पार्टी परित्याग गरी Nepali Congressमा प्रवेश गरेका छन्।
उनीलाई कैलाली निर्वाचन क्षेत्र नम्बर ४ का कांग्रेस उम्मेदवार Anand Bistaले टीका तथा खादा लगाएर औपचारिक रूपमा स्वागत गरेका हुन्। कार्यक्रममा बोल्दै बिष्टले युवाशक्तिको साथ र विश्वासले लोकतान्त्रिक शक्तिलाई अझ सशक्त बनाउने विश्वास व्यक्त गरे। उनले क्षेत्रको समग्र विकास, रोजगारी सिर्जना र सुशासन आफ्नो मुख्य एजेन्डा रहेको उल्लेख गर्दै मतदातासँग समर्थनको अपिल गरे।
नवप्रवेशी बलायरले वैकल्पिक राजनीति खोज्ने क्रममा आफू सक्रिय रहे पनि वर्तमान परिस्थितिमा लोकतान्त्रिक मूल्य–मान्यता, स्थिरता र विकासका लागि कांग्रेस नै उपयुक्त शक्ति भएको निष्कर्षमा पुगेको बताए। उनले आगामी निर्वाचनमा कांग्रेस उम्मेदवारलाई विजयी गराउन सक्रिय भूमिका खेल्ने प्रतिबद्धता जनाए।
निर्वाचन नजिकिँदै जाँदा कैलाली क्षेत्रमा विभिन्न दल परित्याग गरी कांग्रेसमा प्रवेश गर्ने क्रम बढ्दै गएको छ। स्थानीय तहदेखि प्रतिनिधिसभासम्म राजनीतिक गतिविधि तीव्र बनेका छन्।
