बैतडी । नेपाली कांग्रेस बैतडीले पार्टीको आचरण र अनुशासन विपरीत कार्य गरेको भन्दै दुई जना नेतालाई पार्टीको साधारण सदस्य समेत नरहने गरी ५ वर्षका लागि निष्कासित गरेको छ।
पार्टीका आधिकारिक उम्मेदवार विरुद्ध लागेको प्रमाण भेटिएपछि महासमिति सदस्य उत्तर बहादुर ऐर र जिल्ला कार्य समिति सदस्य बिरेन्द्र बहादुर ऐरलाई कारबाही गरिएको हो।
अन्तर्घातको आरोप र प्रमाण जिल्ला अनुशासन समितिका संयोजक देव राज जोशीद्वारा जारी विज्ञप्ति अनुसार, यी दुवै नेताहरूले नेपाली कांग्रेसका उम्मेदवार चतुर बहादुर चन्द विरुद्ध गतिविधि गरेको र विपक्षी दलका उम्मेदवारलाई भोट मागेको पुष्टि भएको छ।
विज्ञप्तिमा भनिएको छ, “पार्टीको आचरण, अनुशासन र विधान विपरीत अन्य दलको उम्मेदवारलाई भोट मागी रहेको स-प्रमाण पुष्टि हुन आएकोले निज दुवै जनालाई ५ वर्षका लागि निष्कासित गरिएको छ।” अनुशासन समितिले कारबाहीको मुख्य आधारका रूपमा उनीहरूको अडियो रेकर्डलाई प्रमाण स्वरूप पेश गरेको छ।
विधान अनुसारको कारबाही कांग्रेसले आफ्नो विधान २०१७ (संशोधन सहित) को परिच्छेद ९ को ४ (ख) बमोजिम यो कदम चालेको जनाएको छ। कारबाहीको बोधार्थ नेपाली कांग्रेस केन्द्रीय अनुशासन समिति, सानेपा र सुदूरपश्चिम प्रदेश कार्य समितिलाई समेत पठाइएको छ।
चुनावको मुखमा आफ्नै नेताहरूबाट अन्तर्घात भएको भन्दै कांग्रेस बैतडीले अनुशासनको सवालमा कठोर बन्ने संकेत देखाएको छ।
