अमेरिकी एफ–३५ लडाकु विमानले इरानमाथि सम्भावित आक्रमणपछि मध्यपूर्वस्थित सैन्य अड्डामा आपतकालीन अवतरण गरेको छ। अमेरिकी केन्द्रीय कमाण्डका प्रवक्ता क्याप्टेन टिम हकिन्सका अनुसार विमान सुरक्षित अवतरण भएको छ र पाइलटको अवस्था स्थिर छ। अनुसन्धान जारी रहेको बताइएको छ।
सीएनएनका अनुसार करिब १०० मिलियन डलर मूल्यको यो स्टेल्थ विमान इरानको आक्रमणमा परेको हुन सक्ने अनुमान छ, तर अमेरिकी पक्षले कारण खुलाएको छैन। एफ–३५ सन् २०१८ देखि युद्धमा प्रयोग हुँदै आएको भए पनि यसरी क्षति पुगेको पहिलो घटना हो।
फेब्रुअरी २८ देखि सुरु भएको द्वन्द्वमा अमेरिकाले करिब १२ एमक्यू–९ रिपर ड्रोन गुमाएको र साउदी अरेबियामा इरानी क्षेप्यास्त्र आक्रमणबाट पाँच इन्धन भर्ने विमान क्षतिग्रस्त भएको रिपोर्ट छ। अहिलेसम्म अमेरिकी पक्षमा १३ सैनिकको मृत्यु र करिब २०० घाइते भएको छ, इरानमा भने १,४४४ मृत्यु र १८,५५१ घाइते भएका छन्।
अमेरिकी रक्षा मन्त्री पिट हेगसेथले युद्धका उद्देश्य यथावत् रहेको र अभियानको समयसीमा खुल्ला रहेको स्पष्ट पार्दै इरानका क्षेप्यास्त्र, रक्षा संरचना र आणविक कार्यक्रमलाई लक्ष्य बनाइरहेको बताए।
