बाजुराको बडीमालिका नगरपालिका–१ सल्लेनाकी मा २१ वर्षीया सुरता कुमारी रोकाया र उनका नवजात शिशु शनिबार मृत्यु भएका छन्। रोकाया फागुन ३० गते जिल्ला अस्पताल बाजुरामा शिशु जन्म दिएकी थिइन्।
तर सुत्केरीको मुटुको रोग र नवजात शिशुको स्वास्थ्य समस्या बढेपछि उनलाई चैत ४ गते हेलिकप्टरमार्फत प्रादेशिक अस्पताल सुर्खेत पठाइएको थियो। अस्पताल स्रोतका अनुसार, जन्मपश्चात दुबैको स्वास्थ्य जटिल रहेकाले जीवन रक्षा सम्भव नभएको जनाइएको छ।
हाल नगरपालिकाले सुरता रोकाया र नवजात शिशुको शव व्यवस्थापनको पहल गर्दै परिवारलाई आवश्यक सहयोग गरिरहेको छ। स्वास्थ्य सम्बन्धी चुनौतीले यस घटनालाई थप संवेदनशील बनाएको छ।
स्वास्थ्य विशेषज्ञहरूले गर्भवती महिलाको नियमित जाँच र समयमा उपचारको महत्व औँल्याउँदै परिवार तथा समुदायमा सचेतना बढाउनुपर्ने आवश्यकता औंल्याएका छन्। घटना स्थानीय समुदायमा शोक र चिन्ता सिर्जना गरेको छ।
