चीनका प्रधानमन्त्री Li Qiang ले नेपालका नवनियुक्त प्रधानमन्त्री Balen Shah लाई हार्दिक बधाई दिँदै द्विपक्षीय सहकार्य सुदृढ गर्ने प्रतिबद्धता व्यक्त गरेका छन्। बधाई सन्देशमार्फत उनले नेपाल र चीनबीचको परम्परागत मैत्री सम्बन्धलाई अझ मजबुत बनाउने संकेत दिएका हुन्।
लीले दुई देशबीच पहाड र नदीले जोडिएको ऐतिहासिक सम्बन्ध रहेको उल्लेख गर्दै ७१ वर्षदेखि ‘शान्तिपूर्ण सहअस्तित्वका पाँच सिद्धान्त’का आधारमा सम्बन्ध अघि बढ्दै आएको बताएका छन्। उनले नेपाल सरकारको सुशासन प्रयासमा चीनको निरन्तर समर्थन रहने र नेपालको सार्वभौमिकता तथा भौगोलिक अखण्डताप्रति सम्मान रहने स्पष्ट पारेका छन्।
साथै, ‘बेल्ट एण्ड रोड इनिसिएटिभ’मार्फत पूर्वाधार, व्यापार र लगानीका क्षेत्रमा सहकार्य विस्तार गर्ने प्रतिबद्धता व्यक्त गरिएको छ। चीन–नेपाल रणनीतिक साझेदारीलाई थप उचाइमा पुर्याउँदै विकास र समृद्धिमा सहकार्य बढाउनेमा दुवै देश केन्द्रित रहने सन्देशमा उल्लेख गरिएको छ।
