बुधबारको महिमा: व्रत, पूजा र समृद्धिको पावन दिन

हिन्दु धर्मशास्त्र अनुसार हप्ताका सातै बार देवी–देवतासँग सम्बन्धित मानिन्छन्, जसमा बुधबार ‘बुध’ ग्रहको विशेष दिन हो। यस दिन भगवान कृष्ण (विठ्ठल रूप) को श्रद्धापूर्वक पूजा गरिन्छ र तुलसी का पातले अर्चना गर्नु अत्यन्त शुभ मानिन्छ। नयाँ कार्य प्रारम्भ गर्न बुधबार उत्तम दिन मानिन्छ। व्रत बस्ने भक्तजनले भगवानको कृपाबाट इच्छित फल प्राप्त गर्ने विश्वास छ।

यस दिन गरिने सत्कर्मले दीर्घकालीन पुण्य प्रदान गर्छ। गाईलाई हरियो घाँस अर्पण गर्दा देवी–देवताको आशीर्वाद प्राप्त हुने मान्यता छ। मुंगको दाल दानले कष्ट निवारण गर्छ। साथै भगवान गणेश लाई सिन्दुर तथा लड्डु चढाउँदा बुध ग्रहको दोष शान्त भई जीवनमा सुख, समृद्धि र सफलता प्राप्त हुने धार्मिक विश्वास रहिआएको छ।