दक्षिणी लेबनानमा भएको भीषण इजरायली हवाई आक्रमणमा कम्तीमा ३१ जनाको मृत्यु भएको छ। लेबनानको सरकारी समाचार एजेन्सीका अनुसार मृतकमध्ये एक नागरिक रक्षा उद्धारकर्मी पनि रहेका छन्। टायर जिल्लाको तोरा शहरमा भएको दुई छुट्टाछुट्टै हवाई आक्रमणमा पाँच जनाको ज्यान गएको बताइएको छ।
त्यस्तै, हसबाया जिल्लामा इजरायली ड्रोनले कफरशुबा र कफरहमाम जोड्ने सडकमा रहेको एक कारलाई लक्षित गर्दा एक उद्धारकर्मीको मृत्यु भएको हो। बिन्त जुबैल र नाबातिया जिल्लाका विभिन्न गाउँहरूमा भएका आक्रमणमा थप पाँच जनाको मृत्यु भएको छ भने अस-सुल्तानिया शहरमा भएको अर्को आक्रमणमा चार जनाको ज्यान गएको जनाइएको छ।
अप्रिल १७ मा इजरायल र लेबनानबीच युद्धविराम भए पनि त्यसको पूर्ण पालना हुन सकेको छैन। मे १७ सम्म लम्ब्याइएको युद्धविरामको बाबजुद इजरायली सेनाले दक्षिणी लेबनानमा निरन्तर हवाई आक्रमण जारी राखेको छ।
यसबीच इजरायल र हिजबुल्लाहबीचको तनाव लगातार बढ्दै गएको छ, जसले क्षेत्रीय सुरक्षा अवस्था झनै जटिल बनाएको छ।
