हिन्दु धर्मशास्त्रअनुसार हप्ताका प्रत्येक बार कुनै न कुनै देवी–देवतासँग सम्बन्धित मानिन्छन् । विशेष गरी बुधबारलाई बुध ग्रह तथा भगवान श्रीकृष्णको आराधनाको दिनका रूपमा श्रद्धापूर्वक मनाइन्छ । यस दिन विठ्ठल स्वरूप श्रीकृष्णको पूजा गर्दा तुलसीदल अर्पण गर्नु अत्यन्त शुभ मानिएको छ ।
धार्मिक मान्यताअनुसार बुधबार नयाँ कामको सुरुआत, व्यापार विस्तार वा शुभ कार्य प्रारम्भ गर्न उपयुक्त दिन हो । यस दिन श्रद्धापूर्वक व्रत तथा पूजा गर्ने भक्तजनले मनोकामना पूरा हुने विश्वास गरिन्छ ।
बुधबार गाईलाई हरियो घाँस खुवाउँदा देवी–देवताको कृपा प्राप्त हुने जनविश्वास छ । त्यस्तै, मुंगको दाल दान गर्दा दुःख–कष्ट हट्ने र घरमा सुख–शान्ति बढ्ने धार्मिक विश्वास रहिआएको छ ।
भगवान गणेशलाई सिन्दूर र लड्डु चढाएर पूजा गर्दा बुध ग्रहको दोष शान्त हुने तथा जीवनमा सकारात्मक ऊर्जा प्राप्त हुने धार्मिक ग्रन्थहरूमा उल्लेख गरिएको छ । श्रद्धा र भक्तिभावले गरिने पूजा–आराधनाले जीवनमा सुख, शान्ति र समृद्धि ल्याउने विश्वास गरिन्छ ।
