आज – २३ आषाढ २०८३ मंगलवार को राशिफल
मेष
मेष (चु, चे, चो, ला, लि, लु, ले, लो, अ) आफ्नो समयलाई राम्रोसँग मिलाउन सक्नुभयो भने धेरै काम सजिलै पूरा हुनेछन्। अरूको काममा धेरै समय खर्च गर्नुभन्दा आफ्ना प्राथमिकतालाई अघि राख्नु उपयुक्त हुनेछ। दिन व्यवस्थित रहने संकेत छ। आजको शुभ रंग बदामी हो भने शुभ अंक ८ रहेको छ।
मिथुन
मिथुन (का, कि, कु, घ, ङ, छ, के, को, हा) आफन्तहरूको आगमनले घरमा रमाइलो वातावरण बन्नेछ। परिवारसँग बसेर गरेका सामान्य कुराले पनि मन हल्का बनाउनेछन्, साथै पुरानो योजना फेरि अगाडि बढ्नेछ। आफ्नो जिम्मेवारी समयमै पूरा गर्नु राम्रो हुनेछ। आजको शुभ रंग हरियो हो भने शुभ अंक ८ रहेको छ।
सिंह
सिंह (मा, मि, मु, मे, मो, टा, टि, टु, टे) घरका आवश्यक काममा खर्च हुन सक्छ। सोचविचार गरेर खर्च गर्नुभयो भने पछि सजिलो हुनेछ, साथै सानो बचतले पनि ढुक्क बनाउनेछ। अनावश्यक कुरामा पैसा खर्च नगर्नु राम्रो हुनेछ। आजको शुभ रंग सेतो हो भने शुभ अंक ६ रहेको छ।
तुला
तुला (रा, रि, रु, रे, रो, ता, ति, तु, ते) धेरै समयदेखि थन्किएको काम मिलाउने सोच आउन सक्छ। एकपछि अर्को काम सकाउँदै जाँदा मन पनि हल्का हुनेछ। आज नयाँ काम सुरु गर्नुभन्दा पुराना काम पूरा गर्नु उपयुक्त देखिन्छ। आजको शुभ रंग खैरो हो भने शुभ अंक ३ रहेको छ।
धनु
धनु (ये, यो, भा, भि, भु, धा, फा, ढा, भे) आज कसैले तपाईंको सुझाव खोज्न सक्छ। अनुभवका आधारमा दिएको सल्लाह उपयोगी बन्नेछ, त्यसैले आफ्नो विचार लुकाएर नराख्नुहोस्। शान्त स्वभावले धेरै कुरा मिलाउन सकिनेछ। आजको शुभ रंग निलो हो भने शुभ अंक २ रहेको छ।
कुम्भ
कुम्भ (गु, गे, गो, सा, सि, सु, से, सो, दा) घर वा कार्यस्थलमा नयाँ योजना बन्न सक्छ। सबैको विचार सुनेर निर्णय गर्दा पछि पछुताउनु पर्ने अवस्था आउने छैन। मिलेर अघि बढ्दा धेरै कुरा सहज रूपमा मिल्नेछन्। आजको शुभ रंग निलो हो भने शुभ अंक १ रहेको छ।
बृष
वृष (इ, उ, ए, ओ, वा, वि, वु, वे, वो) धेरै दिनदेखि टुङ्गो लगाउन खोजेको एउटा विषयमा प्रगति देखिनेछ। सानो प्रयासलाई पनि निरन्तरता दिनुभयो भने राम्रो नतिजातर्फ पुग्न सकिनेछ। अरूको हतारमा आफूलाई नबगाउनुहोस्। आजको शुभ रंग कलेजी हो भने शुभ अंक ९ रहेको छ।
कर्कट
कर्कट (हि, हु, हे, हो, डा, डि, डु, डे, डो) आज धेरै ठाउँमा आउजाउ हुन सक्छ। नयाँ व्यक्तिसँग चिनजान बढ्नेछ र त्यसबाट उपयोगी जानकारी पनि प्राप्त हुन सक्छ। बोलेको भन्दा सुनेको कुरा बढी काम लाग्ने देखिन्छ। आजको शुभ रंग पहेंलो हो भने शुभ अंक १ रहेको छ।
कन्या
कन्या (टो, पा, पि, पु, ष, ण, ठ, पे, पो) आफूले दिएको वचन पूरा गर्ने प्रयास गर्नुहोस् त्यसले तपाईंप्रतिको विश्वास अझ बलियो बनाउनेछ, र पछि त्यही विश्वासले नयाँ जिम्मेवारी पनि ल्याउन सक्छ। आफ्नो व्यवहारमा नम्रता राख्नु राम्रो हुनेछ। आजको शुभ रंग सुनौलो हो भने शुभ अंक ९ रहेको छ।
बृश्चिक
वृश्चिक (तो, ना, नि, नु, ने, नो, या, यि, यु) मन मिल्ने व्यक्तिसँग भेटघाट हुनेछ। लामो समयपछि भएको कुराकानीले सम्बन्धलाई अझ नजिक ल्याउनेछ साथै सानो सहयोगले पनि ठूलो खुसी दिन सक्छ। मनमा धेरै कुराकानी खेल्नेछ शान्त रहने प्रयास गर्नुहोस्। आजको शुभ रंग गुलाबी हो भने शुभ अंक ७ रहेको छ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) दैनिक कामभन्दा फरक केही गर्ने इच्छा जाग्न सक्छ। नयाँ ठाउँ घुम्ने, नयाँ स्वाद चाख्ने वा नयाँ अनुभव लिने अवसर मिल्न सक्छ। सामान्य परिवर्तनले पनि दिनलाई रमाइलो बनाउनेछ। आजको शुभ रंग केशरी हो भने शुभ अंक ५ रहेको छ।
मीन
मीन (दि, दु, थ, झ, ञ, दे, दो, चा, चि) पुरानो साथी वा आफन्तसँग अचानक भेट हुन सक्छ। सामान्य कुराकानीले पुराना सम्झना ताजा बनाउनेछ र मनमा छुट्टै उत्साह थप्नेछ। धेरै दिनदेखि टार्दै आएको एउटा व्यक्तिगत काम पनि पूरा गर्न सकिनेछ। आजको शुभ रंग बैजनी हो भने शुभ अंक ६ रहेको छ।
हाम्रो पात्रो बाट साभार
