भजनी नगरपालिकासंगको समन्वय,एन.सि.आई.डी.को सहयोगमा बहुउद्धेश्यीय विकास समाज(MPDS) डडेल्धुरा संचालित जैविक विविधता संरक्षण कार्यक्रम अन्तर्गत डल्फीन संरक्षण एंव सम्बद्र्धनका लागि जनचेतनामूलक अभियान कैलालीको भजनी नगरपालिकाको सोनाफाँटाबाट शुरु भएको छ
जैविक विविधता संरक्षण कार्यक्रम अन्तर्गत कर्णाली,मोहना,पथरैया र काँढा नदीमा पाईने डल्फीन तथा अन्य जलाचर प्राणीहरुको वारेमा स्थानीय सुमदायलाई जानकारी गराई ती जीवहरुको महत्व,फाईदा र संरक्षणका लागि स्थानीय स्तरमा गर्न सकिने प्रयासहरुको वारेमा जनचेतना जगाउने उद्धेश्यले उक्त अभियान शुरु गरिएको जैविक विविधता संरक्षण कार्यक्रम अन्र्तगत डल्फीन संरक्षण अभियानका स्वयमसेवक गणेश विकले बताउनु भयो ।
त्यस्तै डल्फीन सरंक्षण अभियानका अर्का स्वयमसेवक कृष्णा चौधरीले डल्फीन संरक्षणका लागि कुनै एक व्यक्तिको प्रयासले मात्रै सम्भव नहुने भएकाले समुदायलाई सचेतीकरण गरी सबैको सामूहिक प्रयासवाट डल्फीन संरक्षण गर्न एन.सि.आई.डी. र एम.पि.डी.एस. संस्थाको सहयोगमा घरदैलो,घरभेट,र्याली माईकिग लगायतको जनचेतनामूलक अभियान संचालन गरिएको र यसलाई निरन्तर दिईने बताउनु भयो ।
डल्फीन संरक्षण र्याली अभियानमा भजनी नगरपालिका वडा नं ८ का वडा सदस्य लल्टू चौधरी यस क्षेत्रमा पाईने डल्फीन संरक्षणका लागि संस्थाले संचालन गरेको अभियान अत्यन्तै महत्वपूर्ण रहेको बताउनु भयो । उहाँले उक्त कार्यमा स्थानीय सरकारको तर्फवाट आफूहरु पनि सहयोग साझेदारी गरी कार्यक्रम गर्न तयार रहेको बताउदै डल्फीन संरक्षणका लागि थप कार्यक्रम संचालन गर्नुपर्ने बताउनु भयो ।
डल्फीन संरक्षण अभियानमा सहभागी एम.पि.डि.एस.का राजेन्द्र रैका ले जैविक विविधता संरक्षण कार्यक्रम अन्तर्गत भजनी नगरपालिकासंगको समन्वय तथा साझेदारीमा डल्फीन संरक्षण सम्वन्धि स्वयमसेवक छनौट, स्थानीय जनप्रतिनधीहरु,भलमन्सा र स्वयमसेवकहरुलाई अभिमुखीकरण बैठक तथा परिचालन,जनचेतनामूलक पोष्टर पम्पलेट,सन्दर्भ सामाग्री,साउण्ड सिस्टम जिंगल तयार र वितरण,डल्फीन संरक्षण सम्वन्धिी होडिग बोर्ड स्थापना लगायत जनचेतनामूलक कार्यक्रमहरु संचालन भैरहेको जानकारी गराउनु भयो ।
उक्त अवसरमा डल्फीन पाईने क्षेत्रका स्थानीय वस्तीमा स्वयमसेवकहरुले बस्ती घरभेट गरी डल्फीन वारेमा अभिमुखीकरण,पोष्टर पम्पलेट वितरण,माईकिग,र्याली भेटघाट जिंगलहरु प्रशारण गरेका थिए ।
कैलालीको कर्णाली,मोहना,पथरैया र काँढा नदीमा लोपोन्मुख डल्फिन पाईने गरिन्छ ।
