इरान–अमेरिका तनाव चुलिँदै जाँदा बीबीसीको अनुसन्धानले इरानी आक्रमणबाट मध्यपूर्वका विभिन्न देशमा रहेका अमेरिकासँग सम्बन्धित सैन्य अड्डा र केही नागरिक पूर्वाधारमा क्षति पुगेको जनाएको छ। बीबीसीको तथ्य खोजी टोलीका अनुसार जुलाई १२, २०२६ देखि सुरु भएको तनावपूर्ण अवस्थापछि कुवेत, बहराइन, इराक र जोर्डनमा रहेका कम्तीमा नौ सैन्य अड्डा तथा अन्य महत्त्वपूर्ण संरचनामा प्रभाव परेको छ।
यो निष्कर्ष अमेरिकी राष्ट्रपति डोनाल्ड ट्रम्पले इरानको सैन्य क्षमता पूर्ण रूपमा ध्वस्त पारिएको दाबी गरिरहेकै बेला सार्वजनिक भएको हो। अनुसन्धानले हालको अवस्थामासमेत इरानसँग अमेरिकासम्बद्ध सैन्य लक्ष्यमा आक्रमण गर्न सक्ने केही क्षमता बाँकी रहेको संकेत गरेको छ।
यसैबीच, बीबीसीको तथ्य–जाँच टोलीले सामाजिक सञ्जालमा भाइरल भएका धेरै भिडियो भ्रामक रहेको पनि पुष्टि गरेको छ। अनुसन्धानअनुसार केही भिडियो पुराना घटनाका थिए भने केही आर्टिफिसियल इन्टेलिजेन्स (एआई) प्रयोग गरी तयार पारिएका थिए। बीबीसीले युद्ध वा द्वन्द्वसँग सम्बन्धित सामग्री साझा गर्दा आधिकारिक र विश्वसनीय स्रोतबाट पुष्टि गर्न आग्रह गरेको छ।
