हिन्दू धर्मशास्त्रअनुसार सातै बारको आफ्नै धार्मिक महत्व रहेको मानिन्छ। त्यसमध्ये आइतबार सूर्यदेवको पूजा तथा आराधना गर्ने विशेष दिनका रूपमा लिइन्छ। धार्मिक मान्यताअनुसार यस दिन श्रद्धापूर्वक सूर्यदेवको पूजा गर्दा समाजमा मान–सम्मान प्राप्त हुने तथा कुण्डलीमा रहेको सूर्यदोष शान्त हुने विश्वास छ।
पूजा विधि :
-
आइतबार बिहान सूर्योदयअघि उठेर स्नान गरी शुद्ध हुने।
-
मन्दिरमा दर्शन गरेपछि सूर्यदेवलाई तामाको पात्रबाट जल अर्पण गर्ने।
-
पूजामा रातो फूल, रातो चन्दन, गुडहलको फूल र अक्षता चढाउने।
-
सूर्यदेवलाई गुड वा गुडबाट बनेका मिठाई अर्पण गर्ने।
-
पूजा सम्पन्न गरेपछि सूर्यसम्बन्धी मन्त्रको श्रद्धापूर्वक जप गर्ने।
धार्मिक मान्यताअनुसार सूर्यदेवलाई जल अर्पण गर्दा आत्मविश्वास, प्रतिष्ठा र सकारात्मक ऊर्जामा वृद्धि हुने विश्वास गरिन्छ। यद्यपि यी धार्मिक विश्वास र परम्परामा आधारित मान्यताहरू हुन्।
