जाडो सुरुसँगै बालबालिका र बृद्धमा निमोनियाको जोखिम अत्यधिक बढ्छ। कमजोर प्रतिरक्षा प्रणाली, चिसो मौसम र घामको कमीले शरीरलाई संक्रमणप्रति संवेदनशील बनाउँछ। निमोनिया फोक्सोमा हुने गम्भीर संक्रमण हो, जसका कारण सास फेर्न समस्या, चिसो–ज्वरो, खोकी, छाती दुख्ने जस्ता लक्षण देखिन्छन्। समयमै ध्यान नदिँदा यो जटिल समेत हुन सक्छ।
बच्ने उपाय
-
न्यानो कपडा, टोपी, मोजा र मास्क अनिवार्य लगाइदिनुहोस्।
-
घरभित्र तातो वातावरण कायम राख्नुहोस्, अचानक तापक्रम परिवर्तन हुन नदिनुहोस्।
-
पर्याप्त गर्म पानी, सुप र पौष्टिक खाना सेवन गराउनुहोस् ताकि प्रतिरक्षा बढोस्।
-
बालबालिका र बृद्धलाई भीडभाड र धूलो–धुवाँबाट टाढा राख्नुहोस्।
-
समयमै फ्लू र निमोनिया खोप लगाउनु अत्यन्त प्रभावकारी हुन्छ।
-
धूम्रपान हुने स्थानबाट टाढा राख्नुहोस्, किनकि धुवाँले फोक्सो कमजोर पार्छ।
सावधानी अपनाउनुपर्ने कुराहरू
-
सास फेर्न गाह्रो हुने, उच्च ज्वरो, बच्चा धेरै छट्पटाउने, बृद्ध सुस्त हुने जस्ता लक्षण देखिए ढिला नगरी अस्पताल जानुहोस्।
-
आफैँ औषधि प्रयोग नगर्नुहोस्।
-
हात धुने बानी, सफाइ र घरभित्र हावाको आवागमनमा ध्यान दिनुहोस्।
जाडोयाममा सतर्कता र सावधानी अपनाएर निमोनिया धेरै हदसम्म रोक्न सकिन्छ।
