सपना यिनै आँखामा पनि त भरपुर भएहोला,
कतै बद्नाम यिनै आँखाहरू वेकसुर भएहोला।
आकङ्क्षको भारी बोकेर मैदानमा कुदेका पनि,
बैराङ फर्केर आउँदा यहाँ त चक्नाचुर भएहोला।
अपबित्र गडबन्ध हुन्छन् मन मर्जिको राजनीति,
केही त यसैमा पनि दुष्ट सँग जी हजुर भएहोला।
भनिन्छ मन मिलेपछि देखिंदैन कुनै गलती पनि,
स्वार्थले गर्दा गलती नी नजरबाट दुर भएहोला।
गरिबलाई लुटेर बनाए सिशाका महलहरू पनी,
आँखामा क्षणभर उनै समेत कोहिनूर भएहोला।
॥१॥
॥३॥
वर्गिए मायाँ पनि त संसारमा खास हुनेगर्छ,
आफू जस्तै यो मनको माझ निवास हुनेगर्छ।
लोभ हुनेगर्छ दुश्मन् आफ्नै सन्तानको पनि,
धनका लागि दुश्मनको समेत दाश हुनेगर्छ।
त्यो पनि के मान्छि जो जन्मियो खानलाई,
छैन कुनै मक्सद त्यो जीउँदो लाश हुनेगर्छ।
देखेकै छौं जीवनभरी हवादारी विचार हामी,
आफ्नै व्यवहारले पनि सधैँ उपहास हुनेगर्छ।
न कसै सँग गुनासो भयो न कुनै छ आफ्नो,
कसैको धेरै गरिएमा आस विनास हुनेगर्छ।
थाहा छ यो दुनियाँमा हुन्छन् कलाकार धेरै,
कि गलाले कित कला भए निकास हुनेगर्छ।
सुरेशकुमार पाण्डे दाङ घोराही १८
