गजल – तुइहैत आजभोल सुङर बानर गुना निका मान्णौ

Image
Nisarga Hospital

गजल
गिजा चोड्याको रे तु मनमनै रुना निको मान्णौ
तेरा कर्तुका सब गाँठागुठी फुना निको मान्णौ

CP Hospital Dhangadhi

आँखाइमा रिटेइ अला ज्वान कि जन्म्याहै इसो
तुइहैत आजभोल सुङर बानर गुना निका मान्णौँ

चुनावमि अफ्नाइ गाउँल्यान लगै कि बाण्यहै रुप्या
तो जसा जनप्रतिनिधि हुना है नहुना निको मान्णौ

सबै कुरा सोची सम्झी मुखै तक्दाइ सरम हुनि
तेरा नज्क रनाहैत कत्तेइ उनाकुना निको मान्णौ

जनताले सुझाव दिया तम्री औकात क्याछ भन्णै
गरिव हुँ मैत फाट्यो पुरानौइलै लुना निको मान्णौ

गजल २
धर्म कर्म गद्द पट्ट छाण्यो खुरापाती मात्रै जान्ण पस्या
गाउँ समाजकिलाई बोल्ला धेकिपन रिस मान्ण पस्या

कसैकि गट्टो नसुची अफना तार लाग्याका मान्सकालै
षड्यन्त्र पस्या खुट्टा काट्ट पस्या ढुँणो मुणो हान्ण पस्या

बाहिरका भन्ना पन अफ्नाइ पढौसी बिशालु हुन्या रैछन्
मौका तकिबर साथिभाइमि गलत खबर बान्ण पस्या

नियम ,कानुन,जन्ण्या सुन्ण्या ठुलाबडा आफुइ भन्ण्या
सामन्ती लोग ओकालत पस्या निको गट्टो फान्ण पस्या

पारस भट्ट “प्यासी”
सुदुरपश्चिम बैतडी