कञ्चनपुर:— कञ्चनपुरमा जुवातास खेलिरहेको अवस्थामा प्रहरीले ६ जनालाई पक्राउ गरेको छ।
शुक्रबार साँझ जिल्ला प्रहरी कार्यालयबाट खटिएको टोलीले भिमदत्त नगरपालिका–१८ स्थित खैरभट्टी जाने बाटोको टहरामा तास खेलिरहेको गोप्य सूचनाका आधारमा उनीहरुलाई नियन्त्रणमा लिएको हो।
प्रहरीका अनुसार घटनास्थलबाट नगद रु. २० हजार ९३५ र २ गड्डी तास बरामद गरिएको छ।
पक्राउ परेकामाथि थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
