महाशिवरात्री अवसरमा धनगढीमा ‘एकता दौड’, फागुन २ गते बिहान हुने

Image
Nisarga Hospital

धनगढीः नेपाली सेनाले महाशिवरात्री तथा आफ्नो २६३औँ स्थापना वार्षिकोत्सवको अवसर पारेर धनगढीमा ‘एकता दौड’ आयोजना गर्ने भएको छ। फागुन २ गते बिहान ६ बजे धनगढी रंगशालाबाट सुरु हुने यस दौडले राष्ट्रिय एकता मजबुत बनाउने र नेपाली सेनाप्रतिको जनविश्वास अभिवृद्धि गर्ने उद्देश्य लिएको सेनाले जनाएको छ।

CP Hospital Dhangadhi

एकता दौड विद्यार्थी तथा खुला पुरुष–महिला समूह गरी दुई वर्गमा सञ्चालन गरिनेछ। विद्यार्थी समूहका सहभागीले पाँच किलोमिटर दूरी पार गर्नुपर्नेछ भने खुला समूहका धावक–धाविकाले १० किलोमिटर दौडनेछन्। प्रतियोगितामा सहभागी हुन इच्छुकले फागुन २५ गतेसम्म निःशुल्क आवेदन दिन सक्ने व्यवस्था गरिएको छ।

आवेदन फाराम नेपाली सेनाको तेघरी, बोराडाँडी, नम्बर ५ बाहिनी दीपायल तथा नम्बर २५ बाहिनी महेन्द्रनगरबाट प्राप्त गर्न सकिनेछ। आयोजकका अनुसार एकता दौडमा स्थानीय सर्वसाधारण, विद्यार्थी, खेलप्रेमी तथा विभिन्न क्षेत्रका व्यक्तिहरूको उत्साहजनक सहभागिता रहने अपेक्षा गरिएको छ।

नेपाली सेनाले यस्ता कार्यक्रममार्फत खेलकुदको प्रवर्द्धनसँगै नागरिक–सेना सम्बन्ध थप सुदृढ बनाउने लक्ष्य लिएको जनाएको छ।