सुरेशकुमारका केही उत्कृष्ठ गजलहरु

Image
Nisarga Hospital

जस्तो थियो यो देशको तस्विर उस्तै छ,
नागरिक भन्छन् हाम्रो तक्दिर उस्तै छ।
तुइनमा खोला तर्छौँ पुलछैन यो देशमा,
सडक राम्रो छैन देशभित्र भिर उस्तै छ।
भन्छन् हामि पुजा गर्छौँ तिर्थ बर्त पनि,
जिउँदै पोलेपनि त ठाडो सिर उस्तै छ।
भन्छन् हामि स्वतन्त्र छौँ अखण्ड पनि,
हत्थकडि उस्तै बेडी जञ्जिर उस्तै छ।
चढाउँछन् बली र कुलहरूलाई मदिरा,
हाम्रो समाज कता जान्छ पिर उस्तै छ।
हुँन्छ आमूल परिवर्तनका लागि लडाई,
हजारौँभए शहिद देश आखिर उस्तै छ।

CP Hospital Dhangadhi

॥१॥

विकास कहाँ हुन्छ याहाँ त तमास हुन्छ,
महंगी हुन्छ उस्तै भ्रष्टाचारको रास हुन्छ।
आत्महत्या गर्छन् रोजागार नपाई याहाँ,
कसैको रातो बाकसमा फिर्ता लाश हुन्छ।
एकता गर्छन् सरकारमा पुग्न नेताले सधै,
जनताको बिचमा सदै झुट वक्बास हुन्छ।
दिनौँ गुल्टिन्छन् गाडी वेहालछ सडकको,
भन्छन् एमसीसी आए अब विकास हुन्छ।
कसैको देशमा किन गर्छ विकास कसैले,
सबैलाई आ -आफ्नै समस्या खास हुन्छ।
देशका धुरी खाँभा युवा देशबाट रित्तियो,
देश आज संसार भरिमा नै उपहास हुन्छ।
ऋण लिएर ऋण तिर्न थालेपछि केहोला,
यही चालाले एक दिन आफ्नै नाश हुन्छ।

॥२॥

बुझ्ने कुरा सधै दिन एकनास कहाँ हुन्छ,
हामिले मात्र चाहाँदैमा बिकास कहाँ हुन्छ।
मानिसहरू आफुलाई विसाल ठान्छन् सबै,
आफुले चाहाँदैमा अबस्था खास कहाँ हुन्छ।
उसले आफुले गरेको कारनामा सुनाइरह्यो,
मानिस हाँसे त्यो भन्दा उपहास कहाँ हुन्छ।
उफ्रिएपनि सगरमाथा चढ्न सक्दै भ्यागुतो,
पोखरीभन्दा उसलाई राम्रो बास कहाँ हुन्छ।
नेता हरू चुनावी घोषणा पत्र लिएर हिंड्दा,
भन्न मन लाग्छ यसभन्दा बतास कहाँ हुन्छ।
कहिल्यै भएन गुलाम यो देश भन्दै हिंड्छौँ,
तर नेताहरू त याहाँ भन्दा दास कहाँ हुन्छ।
भनिन्छ देश कहिल्यै गुलाम नभएको हाम्रो,
समस्याको यो देशमा भन्दा रास कहाँ हुन्छ।

॥३॥

रङ्गमा सिङ्गार बटार मानव संसार भयो,
जस्को व्यापार भयो त्यो साहुकार भयो।
अरबौँको व्यापार रङ्गको उस्तै पिच्कारी,
फुकियो पेट्रोल उस्तै वेलुन व्यापार भयो।
कयौँ मरे दुर्घटनामा कयौँको मारामार छ,
आएछ आयातित् होली र हुनेहार भयो।
कतै मुद्धा चले कसैको बिक्यो पाटो पनि,
पर्व रिएक्सल गर्दा समाजमा दरार भयो।
देशका लाटा जनता कौवाको पछि भाग्ने,
छाम्दैनन् आफ्नै कान देशलाई भार भयो।
विदेशीले कमायो नक्लि समान बेरेर धन,
देशका जनता र देश दुबै नाङ्गेझार भयो।
सुरेशकुमार पाण्डे दाङ घोराही १८