
जताततै लुटमार छ तर सरकार वेखबर हुन्छ,
आफै दलालहरूको कमिसनमा निर्भर हुन्छ।
देशभक्तहरू त सधैं देश जोगाउँन सडकमा,
किन देशका गद्धारहरूको मात्र कदर हुन्छ।
सरकार भन्छ साम्राज्यवाद हाम्रो मदत् गर्ला,
यार सधै स्वाभिमानमा उसैको कुनजर हुन्छ।
एकता भएपछि कसैले हेर्ने थिएन कुनियतले,
किन की राक्षशलाई समेत मान्छेकै डर हुन्छ।
छोरा परदेश बुहारी बजारमा बारी हुन्छ बाँजै,
ए बाबु दुबै मिलेर बसे पो सुन्दर यो घर हुन्छ।
मान्छे केहिलिएर जाने होइन किन तेरो र मेरो,
मृत्युको भोली पल्ट जिन्दगी रित्तो बगर हुन्छ।

॥१॥
ए मान्छे तिम्रो राक्षस जस्तै बन्दै गयो व्यवहार आज,
तिमीलाई चेतनसिल प्राणि कसरी ठान्ने संसार आज।
जिउँदै प्राणि आगोमा हाल्छौ र खुसिले गदगद हुन्छौ,
तिमीलाई समेत त्यस्तै गराउँने बन्दैछन् आधार आज।
मानव बिहिन दया मायाँ छैन तिम्रो मन र मष्तिकमा,
हुर्किँदै गएको रैछ तिमी भित्र राक्षशको औतार आज।
ढुङ्गा पचायौ पानी पचायौ आगो,पसुका लास पचायौ,
यो चराचर जगतमा छँदैछैन तिमी भन्दा खुँखार आज।
तड्फाई तड्फाई मार्छौ खान्छौ उनैको रगत मासुपनि,
लुटेर आफु जस्तै को पसिनामा बन्छौ साहुकार आज।
तिमी सबै जीव जन्तु रूख बिरूवाको दुश्मन बनेकैछौ,
भनिदेउ अब तिम्रो जिन्दगिको कोहोला हकदार आज।
॥२॥
॥२॥
जस्तो थियो यो देशको तस्विर उस्तै छ,
नागरिक भन्छन् हाम्रो तक्दिर उस्तै छ।
तुइनमा खोला तर्छौँ पुलछैन यो देशमा,
सडक राम्रो छैन देशभित्र भिर उस्तै छ।
भन्छन् हामि पुजा गर्छौँ तिर्थ बर्त पनि,
जिउँदै पोलेपनि त ठाडो सिर उस्तै छ।
भन्छन् हामि स्वतन्त्र छौँ अखण्ड पनि,
हत्थकडि उस्तै बेडी जञ्जिर उस्तै छ।
चढाउँछन् बली र कुलहरूलाई मदिरा,
हाम्रो समाज कता जान्छ पिर उस्तै छ।
हुँन्छ आमूल परिवर्तनका लागि लडाई,
हजारौँभए शहिद देश आखिर उस्तै छ।
॥३॥
॥३॥
विकास कहाँ हुन्छ याहाँ त तमास हुन्छ,
महंगी हुन्छ उस्तै भ्रष्टाचारको रास हुन्छ।
आत्महत्या गर्छन् रोजागार नपाई याहाँ,
कसैको रातो बाकसमा फिर्ता लाश हुन्छ।
एकता गर्छन् सरकारमा पुग्न नेताले सधै,
जनताको बिचमा सदै झुट वक्बास हुन्छ।
दिनौँ गुल्टिन्छन् गाडी वेहालछ सडकको,
भन्छन् एमसीसी आए अब विकास हुन्छ।
कसैको देशमा किन गर्छ विकास कसैले,
सबैलाई आ -आफ्नै समस्या खास हुन्छ।
देशका धुरी खाँभा युवा देशबाट रित्तियो,
देश आज संसार भरिमा नै उपहास हुन्छ।
ऋण लिएर ऋण तिर्न थालेपछि केहोला,
यही चालाले एक दिन आफ्नै नाश हुन्छ।
सुरेशकुमार पाण्डे दाङ घोराही १८





























