अत्तरिया: कैलालीको धनगढी उपमहानगरपालिका–२ मा रहेको स्टेपिङ स्टोन इङ्लिस स्कूलले बाजुराको खप्तड छेडेदह गाउँपालिकामा रहेको विद्यालयलाई पोशाक सहयोग गरेको छ ।
आईतबार खप्तड छेडेदह गाउँपालिका वडा नं. ५ मा रहेको बाल विकास आधारभूत विद्यालयका ६५ जना विद्यार्थीलाई टि–सर्ट (पोशाक) वितरण गरेको हो । नयाँ वर्षको अवसरमा स्टेपिङ स्टोनले टि–सर्ट वितरण गरेको जनाएको छ ।
बाजुरा जस्तो दुर्गम जिल्लामा अध्ययनत विद्यार्थीहरुलाई केहि भए पनि राहत हुने उदेश्यका साथ टि–सर्ट सहयोग गरेको स्टेपिङ स्टोन रामजी हमाल बताए । सामाजिक कार्य अन्तरगत हरेक बर्ष केहि न केहि कार्य गर्दै आएको उनले बताए । ‘नीजि विद्यालयहरुले शिक्षाका साथ साथै विभिन्न ठाउँमा सामाजिक कार्यहरु पनि गरेका छौँ’, हमालले भने । ‘तर, राज्यले नीजि विद्यालयप्रति हेर्ने नजर भने सुधार हुन सकेको छैन् ।
बाल विकास आधारभूत विद्यालयमा मैले नै अक्षरारम्भ गरेको आज त्यसै विद्यालयमा टि–सर्ट बाढ्न पाउँदौ औधी खुशी भएको यस पाली स्टेपिङ स्टोन इङ्लिस स्कूलबाट एसईइ दिएका विद्यार्थी सुनिल बुढाले बताए ।
धनगढीको नीजि विद्यालयले बाजुरा जिल्लामा पुगेर विद्यार्थीलाई टि–सर्ट दिँदा खुशी लागेको विद्यालय व्यवस्थापन समितिका अध्यक्ष खडक बुढाले बताए । विद्यालयमा टि–सर्ट दिनमा विद्यार्थी सुनिल बुढाले सहजीकरण गरेका हुन् ।
