अत्तरिया: गोदावरी मोबाइल संघले कैलालीको अत्तरिया बसपार्कमा यात्रुहरूको लागि निःशुल्क सर्बत पानी उपलब्ध गराएको छ। संघको यो कार्यक्रम समाजमा पानीको कमीको समयमा यात्रु र स्थानीय समुदायलाई राहत दिने उद्देश्यले गरिएको हो ।
संघका अध्यक्ष गङ्गा प्रसाद निरौलाका अनुसार, यो कार्यक्रम संघको नियमित सामाजिक उत्तरदायित्व कार्यक्रमको हिस्सा हो । उनले भने, “हाम्रो लक्ष्य भनेको सर्बसाधारण र यात्रुहरूलाई पानी खुवाउने मात्रै होइन, सामाजिक सद्भाव र व्यावसायिक सुरक्षा हक अधिकारको प्रति समुदायलाई जागरुक गर्नु पनि हो ।”
यसै बीच, कैलाली र कन्चनपुर लगायत तराईका जिल्लाहरूमा पछिल्लो केही दिनदेखि गर्मी निकै बढेको छ, जसले गर्दा यस्तो प्रकारका पानी वितरण कार्यक्रमको महत्त्व झन् बढेको छ ।
संघले आगामी दिनमा पनि यस प्रकारका सेवा कार्यक्रमहरूको आयोजना गर्ने योजना बनाइरहेको छ ।
