गोदावरी नगरपालिकाका प्रमुख विरेन्द्र भट्टले आफ्नो कार्यकालका सुरुदेखि नै स्वास्थ्य र शिक्षालाई अहम् प्राथमिकतामा राख्दै निरन्तर योजना कार्यान्वयन गरिरहेका छन्। वडा स्तरदेखि नगरस्तरसम्म भएका भेलाहरूमा उनले बारम्बार दोहोर्याएका छन्—“भौतिक पूर्वाधार दोस्रो छ, स्वास्थ्य र शिक्षाले नै नगरवासीको भविष्य निर्माण गर्छ।” प्रत्येक विद्यालयमा आवश्यक शिक्षक र स्रोत व्यवस्थापन, स्मार्ट शिक्षा तथा प्रविधिमैत्री कक्षा सञ्चालनमा नगरपालिकाले विशेष पहल गरेको छ। सर्वसाधारण र अभिभावकबाट प्राप्त प्रतिक्रियाले गुणस्तरीय शिक्षामा देखिएको सुधारको उत्साहजनक तस्वीर प्रस्तुत गरेको छ।
स्वास्थ्य क्षेत्रमा भने भट्ट नेतृत्वको टिमले मातृ—शिशु सेवा, प्राथमिक स्वास्थ्यकक्षाको सुदृढीकरण र दूरदराजका वडामा स्वास्थ्य शिविर गरी स्थानीय नागरिकलाई सहज सेवा उपलब्ध गराएको छ। अकस्मात प्रसव पीडामा बाटोमै सुत्केरी भएकी महिलालाई प्रहरी र स्थानीयको सक्रिय सहयोगपछि अस्पताल पुर्याई आवश्यक सामग्री र मनोबल दिने काममा उहाँले सहयोगी भूमिका खेल्नुभएको थियो। “मानवीय संवेदनाको आधारमा कसैको पीडा देखेर ढुक्क बस्न सकिँदैन,” भट्टले बताउनुभयो।
पारदर्शिता र इमान्दारीमा जोड दिँदै नगरप्रमुख भट्टले स्पष्ट पारेका छन्—“जे सक्छु त्यो मात्र बोल्छु, सक्दिन भने मौन बस्छु; झुटा आश्वासन दिनु मेरो चरित्रमा छैन।” बजेट निर्धारणदेखि राजस्व संकलन, योजनाहरूको अनुगमन तथा कार्यप्रगति रिपोर्टिङमा नगरपालिकाले नियमित सार्वजनिक बैठक र सूचना बोर्डमार्फत नागरिकलाई जानकारी गराउँदै आएको छ। व्यक्तिगत स्वार्थमा विचलन गर्नेलाई कडाइका साथ कारबाही गर्ने उनको नीति सर्वसाइत भएजस्तो देखिन्छ।
कृषि क्षेत्रमा व्यवसायिक किसानहरूको उत्पादन बजार पहुँचका लागि वडा नं. १ मा हाटबजार स्थापना गर्ने वैकल्पिक मार्ग पहिल्याएर महिना भित्र सञ्चालन गर्ने तयारी पुरा भइरहेको छ। यसले स्थानीय कृषि उत्पादनलाई उचित मुल्य र बजार सुनिश्चित गर्ने विश्वास नगरप्रमुखले व्यक्त गर्नुभएको छ।
संस्कृति र धर्मक्षेत्रमा पनि नगरपालिकाले बजेट छुट्याएर वर्षभर सांस्कृतिक जिवन्तता कायम राख्न महत्वपूणर् विलियन पुर्याइरहेको छ। जात्रा–तिहारदेखि संगीत महोत्सव र नाटक समारोहसम्म, स्थानीय कला–साहित्य समूहलाई प्रोत्साहन गर्दै आयआर्जनका अवसर सिर्जना गरिएको छ।
सबैभन्दा महत्वपूर्ण, नगरप्रमुख भट्टले आफूलाई कुनै राजनीतिक दलको मात्र होइन, “समग्र गोदावरीका अभिभावक” भएको दाबी गर्नुहुन्छ। “पक्ष–विपक्षको भावना त्यागेर सबैमा समन्वय र सहकार्य दिलाउन म सधैं तयार छु,” उहाँले भनिरहनुभयो। जातीय, आर्थिक वा भौगोलिक विभाजन नचाहने उहाँको यो दृष्टिकोणले नगरवासीमा एकताबोध र नयाँ आशा जगाएको छ।
यस किसिमको निर्णायक शैली र सबै क्षेत्रलाई समेट्ने समावेशी विकास नीतिले गोदावरीलाई सुशासन र प्रगतिशील नगरपालिकाको प्रतिमान बनाउन महत्वपूर्ण योगदान पुर्याइरहेको छ।
