काठमाडौं: नेपाली बजारमा सोमबार सुनको मूल्यमा सामान्य गिरावट आएको छ। नेपाल सुनचाँदी व्यवसायी महासङ्घका अनुसार छापावाल सुनको मूल्य तोलामा ७ सय रुपैयाँले घटेर हाल १ लाख ९१ हजार १ सय रुपैयाँमा कारोबार भइरहेको छ।
यसअघि आइतबार छापावाल सुन तोलाको १ लाख ९१ हजार ८ सय रुपैयाँमा कारोबार भएको थियो।
यता, चाँदीको मूल्य भने स्थिर रहेको छ। महासङ्घका अनुसार चाँदी अहिले पनि तोलाको २ हजार ५ रुपैयाँमै कारोबार भइरहेको छ।
