नेपाली बजारमा मंगलबार सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ हजार रुपैयाँले बढेर २ लाख ८५ हजार ६ सय रुपैयाँ पुगेको छ। प्रति १० ग्राम सुनको मूल्य २ लाख ४४ हजार ८ सय ५५ रुपैयाँ कायम भएको छ। सोमबार सुन प्रतितोला २ लाख ८४ हजार ६ सय रुपैयाँमा कारोबार भएको थियो।
यस्तै, चाँदीको मूल्य पनि उकालो लागेको छ। आज चाँदी प्रतितोला ४ हजार ३ सय ७० रुपैयाँ कायम भएको छ, जुन अघिल्लो दिनको तुलनामा ५० रुपैयाँ बढी हो। प्रति १० ग्राम चाँदी ३ हजार ७ सय ४७ रुपैयाँमा कारोबार भइरहेको महासंघले जनाएको छ।
अन्तर्राष्ट्रिय बजारमा भएको मूल्य उतारचढावको प्रभावअनुसार नेपाली बजारमा सुन–चाँदीको दैनिक मूल्य निर्धारण हुने भएकाले आगामी दिनमा पनि मूल्यमा थप परिवर्तन हुन सक्ने देखिएको छ।
